Observations on the Diseases of Seamen

[134 - Hæc formula ex Pharmacopœia Nosocomii Sti. Thomæ deprompta est.]PILULA DIAPHORETICA

℞. Opii purificati grana duodecim, antimonii tartarisati grana sex, conservæ rosæ semi-drachmam, farinæ glycirrhizæ, vel tritici quantum satis sit. Contunde simul & divide in pilulas viginti quatuor. Devoretur una horâ somni. Interdum prosit dare unam bis die.

[135 - Vide pag. 408.]MISTURA SEDATIVA

℞. Misturæ camphoratæ uncias sex, tincturæ opii guttas viginti Misce. Bibatur tertia pars ter die. – Aliquando conducit admiscere singulis dosibus aquæ ammoniæ acetatæ drachmas tres, vel vini emetici guttas triginta.

[136 - Vide pag. 409. Hæc formulæ ex Pharmacopœia Nosocomii Sti.Thomæ excerpta est. sed vice confectionis Damocratis hodie obsoletæ, adhibentur confectio aromatica & opium purificatum, ratione habitâ ad portionem fingulorum adeo ut parem edant effectum ac in vetere formulâ.]BOLUS SEDATIVUS

℞. Confectionis aromaticæ scrupulum unum, opii purificati grani quartam partem, castorei Russici grana decem, tincturæ opii guttas quatuor. Misce. Assumatur sextâ quâque horâ.

BOLUS SERPENTARIÆ COMPOSITUS

℞. Pulveris serpentariæ Virginianæ grana decem, camphoræ grana quatuor, confectionis aromaticæ quantum satis sit. Assumatur ter die. – Interdum conducit addere pulveris corticis Peruviani drachmam dimidiam, vel superbibere decocti corticis Peruviani uncias duas.

ELECTUARIUM AD CONVALESCENTES

℞. Pulveris corticis Peruviani, florum chamæmeli, singulorum unciam unam, pulveris zinziberis scrupulos duos, syrupi quantum satis fit. Dosis est circiter drachma ter die. – Interdum adjiciantur vel rubiginis ferri drachmæ tres, vel pulveris terpentariæ Virginianæ drachmæ duæ.

IN FEBRE INTERMITTENTE

Adhibeantur in initio eadem medicamenta ac in initio febris continuæ. Deinde

Sumatur corticis Peruviani drachma una, secundâ vel tertiâ quâque horâ, vel etiam singulis horis, absente paraxysmo febrili. – Interdum confert dare singulas doses ex spiritûs vini tenuis (rum dicti) unciâ unâ.

Si cortex frustra adhibeatur fauste adhiberi possint medicamenta infra præscripta.

[137 - Vide pag. 456.]℞. Zinci calcinati semi-drachmam, conservæ rosæ quantum satis fit. Contunde simul & divide in pilulas quindecim. Sumatur una ter die, augendo dosim si premerit morbus & si ferat ventriculus.

Vel,

℞. Zinci vitriolati grana duodecim aquæ puræ uncias tres Sumatur tertia pars ter die augendo dosim si opus fuerit & si ferat ventriculus.

Vel,

[138 - Ex auctoritate Cl. Huck Saunders.]℞. Tincturæ rhabarbari uncias duas, tincturæ sennæ drachmas sex. Misce. Sumatur paucas horas ante paroxysmum.

Vel,

[139 - Ex auctoritate Cl. Huck Saunders.]Cortice Peruviano frustra dato, aliquando conferat dare ægro quotidie, vel calomelanos, vel pilularum ex hydrargyro quantum & quamdiu sufficiat ad levem ciendum ptyalismum, & deinde instituere curam de integro cum cortice Peruviano.

Vel,

[140 - Ex auctoritate Cl. Lind.]Sumantur tincturæ opii guttæ viginti quinque, incipiente æstu. febrili, ex poculo potûs communis.

IN DIARRHŒA SIMPLICI

BOLUS AD DIARRHOEAM

℞. Cretæ præparatæ scrupulum unum, pulveris rhabarbari grana quindecim, pulveris corticis cinnamomi grana sex, opii purificati granum dimidium, tincturæ opii guttas quinque, syrupi quantum satis fit. Semel sumatur.

℞. Misturæ cretaceæ (Pharm. Lond.) cum duplici gummi arabico libram unam, tincturæ opii guttas decem. Absumatur totum partitis vicibus nychthemero, incipiendo duodecim horas post datum medicamentum novissime præscriptum. – Interdum adjiciatur tincturæ cinamomi uncia dimidia.

IN CHOLERA MORBO

℞. Decocti hordei vel avenæ libras tres, pulveris gummi arabici unciam unam cum semisse, tincturæ opii guttas triginta. Hauriatur quam primum libra una, & deinde libra dimidia omni horâ usque ad levamen mali. – Si parabilis fuerit caro vitulina, vel pullus, jusculum tenue ex altero utro factum vice decocti supra dicti adhibeatur.

IN DYSENTERIA ACUTA

Sumat æger quamprimum emeticum commune.

℞. Decocti hordei libras duas, salis cathartici unciam unam cum semisse, antimonii tartarisati grana duo. Misce. Hauriatur tepide primò libra dimidia, & deinde unciæ quatuor omni horâ donec alvus copiose & iteratim dejecerit.

℞. Pulveris ipecacoanhæ grana duodecim, conservæ rosæ quantum satis fit. Contunde simul & divide in pilulas duodecim. Sumatur una ter die. Si æger vehementer febricitârit satius erit dare ter die vini emetici drachmam unam ex cyatho amplo decocti hordei tepidi.

[141 - Vide pag. 479.]℞. Pulveris ipecacoanhæ grana duo, pulveris opii purificati exsiccati granum unum, nitri grana octo. Misce. Sumatur horâ somni.

ENEMA EMOLLIENS

℞. Amyli unciam dimidiam, aquæ puræ uncias decem. Coque ad idoneam spissitudinem.

Vel,

℞. Seminum lini drachmas sex, aquæ puræ uncias duodecim. Coque per quadrantem horæ & cola liquorem pro enemate.

ENEMA ANODYNUM

℞. Enematis emollientis uncias quatuor, tincturæ opii guttas quadraginta. Misce.

IN DYSENTERIA CHRONICA

BOLUS CATHARTICUS

℞. Pulveris rhabarbari grana quindecim, calomelanos grana quinque, conservæ rosæ quantum satis fit ut fiat bolus. Mane sumendus, & repetendus post paucos dies si opus fuerit. – Vice hujus interdum conducat dare misturæ catharticæ communis uncias duas.

SOLUTIO CAMPECHENSIS

℞. Extracti ligni Campechensis drachmam unam cum semisse, tincturæ cinamomi unciam unam. Tere simul & admisce aquæ puræ uncias quinque. Sumatur uncia una ter die.

DECOCTUM AMARUM

℞. Corticis simaroubæ vel quassiæ drachmam unam, aquæ puræ libram unam cum semisse. Decoque ad libram unam. Absumatur totum quotidie tribus vicibus. Adjici possint singulis dosibus pro ratione symptomatum, vel cretæ præparatæ scrupulus unus, vel pulveris ipecacoanhæ granum unum, vel tincturæ cinamomi drachmæ duæ, vel tincturæ opii guttæ quinque.

[142 - Vide pag. 489.]In casibus rebellibus confert illinere quotidie hypogastrium unguenti ex hydrargyro drachmâ dimidiâ.

Sit pro potu communi in hoc morbo aqua pura, frusto panis recens tosti adjecto, & pauxillo spiritus vini tenuis (rum dicti) admixto. Sit pro victu communi salab, vel farina tritici in pulmentum tenue ex aquâ purâ cocta.

IN INTESTINIS INFLAMMATIS