Энциклопедия юридическая в 15 томах. Том 12 (С–Т)

Иже крестьяне рукою крестятся не по существу. Вопрос 26

Иже крестьяне рукою крестятся не по существу и крестное знамение не по существу кладут на себе, отцы духовные о сем не радят и не поучают.

Иже крестьяне кленутся и лаются. Вопрос 27

Кленутся имянем божиим во лжу всякими клятвами, и лаются без зазору всегда всякими укоризнами неподобными, скаредными.

Вопрос 28

И богомерзкими речъми, иже не подобает крестьянам. И во иноверцех такое безчиние не творится. Как бог терпит нашему безстрашию?

О непокаянии грех наших. Вопрос 29

Да и о иных тяжких винах духовно беседовати довлеет, за что гнев божий приходит на землю сию и всякие казни праведного гнева божия, да еще не до конца прогневася Господь. Наказует милостию, а ждет нашего покаяния и обращения от всяких зол, паче же от блуда любодейнаго, и про люб о действа, и содомства, и неправедных судии, и гордости, и зависти. Помыслим, предняя почто весь мир господь потопи. Ноя единаго соблюде? Не блуда ли ради. А Содом и Гомор огнь пояде за что, единаго Лота праведного изведе? Не отроческаго ли ради блуда. А Ниневии град великий погибе которого ради греха? И в новом законе Царьград за что господь предал иноплеменником и безбожным туркам? А нас чем господь не наказа за грехи наши? Ныне вся злая пострадахом от враг своих и от великого божия наказания. И какие грехи не сбышася в нас! И о сем вельми надобе поболети и поскорбети и исправити вины греховныя, негли Господь милость свою послет на грешныя рабы своя. Паче же запретити о любодействе и про люб о деист ее и о злом содомском блуде. Неподкновенно утвержайте cиe.

О ружных попех. Вопрос 30

Ружные попы по пределом и по соборным церквам ругу емлют: хлеб годовой, и деньги, и пшеницу на проскуры, и воск на свечи; а предельные попы свечи и прилепы и месячные. Да они же емлют и молебные денги, и понахиди, и праздничные из казны, и кутью на понахиды и канун, и свечи, и проскуры за зборы и столы праздничные и покойные. А только у своего храму на праздник обедню одинова в год, а ни в суботу за упокой, ни в неделю за здравие, ни во владычни праздники, ни великим святым, ни за упокой по родителех обедни не поют. Ни понахиды, ни молебнов, ни заутрени, ни часов, ни вечерни – ничего не поют во своих пределех. О том разсудити, кому та руга и милостыня в ползу. От прежних времен тако ся творит, да в нынешния лета временники причли к собором своих попов и ругу и милостыню из нашие казны устроили. Что о том учинити?

О ручных церквах и о монастырех. Вопрос 31

Отец мой, князь великий Василей Ивановичь всеа Русии, ездил по цюдотворным местам молитися и давал по многим монастырей богатым и убогим милостыню в приказ, хлеб и соль, и денги, и воск на свечи, и мед на кутью, и пшеницу на пpocкypы. И после того матушка не сполна же в приказ давала. И после матушки до моего возраста многие монастыри грамоты поймали по вся годы имати милостыню впрок в ругу, а иные монастыри и церкви многие приходные внове в те же времена грамоты поимали ругу имати из казны. А у тех монастырей села есть и иные доходы, а у приходных церквей се приход улица, а у иных села есть да и огороды и сады и пожни и иные пошлины и лавки поземные, да и мою ругу в те времена устроили же себе из казны. И о том как впредь быти? А убогих монастырей и неприходных церквей достоит устроити по разсужению.

О птицах и зайцех о удавленине. Вопрос 32

Продаю в торгу по всем градом и по всем землям моего государства всякие птицы и зайцы давленину, а не колото живо и кровь не точена. И о сем в заповедех божиих вельми возбраняет хрестъяном довленина ясти. Достоит о сем законоположение разсудно утвердити, чтобы хрестьянские души давлениною не осквернялися.

О еже на вечернях святыя славы не поют

и на заутренях славословия. Вопрос 33

Коея paди вины в нашем царстве на Москве и во всех московских пределех в соборных церквах и в приходных, окроме монастырей, по вскресным вечерням и по праздничным и великим святым, егда выход бывает, святыя славы не поют, речью говорят, а на заутрени в неделю и в праздники славословия не поют же. Якоже и в прочий простые дни речью говорят. А во уставе назнаменано нарочитым святым славословие великое, то ему почесть.

О иже на литоргиях Отца и Сына не поют. Вопрос 34

Да на божественой литоргии Отца и Сына и святаго Духа, святую Троицу единосущную и нераздельную всегда не поют, речью говорят. А в нашем царстве, как есми был в Новегороде в великом и во Пскове, во святей Софеи премудрости божий и у живоначальной Троицы и во всех святых божиих церквах по воскресным днем и по господским праздником и нарочитым святым на вечерни, когда выход, святыя славы поют, и славословие поют же на заутрени в воскресныя дни и в праздники, когда во уставе молвлено славословие великое, а в простые дни говорят Отца и Сына и святаго Духа, на божественой литоргии по вся дни поют. И о сем како достоит здесе быти, и вы соборне уложите.

О животворящем кресте. Вопрос 35

Да о животворящем кресте господни, на церквах водружают, назнаменати, како достоит и лепо ему быти.

О иже не вносити в алтарь пьянственаго пития. Вопрос 36

О святых божиих церквах, о жертвеннике и о кутейнике. Приносят боголюбцы ко святым божиим церквам ладан и фимиян, и свещи, и просвиры. То во святый жертвенник и во святый олтарь вносится по уставу. Теже крестьяне приносят кутию и канун за здравие и за упокой и на велик день пасху сыр и яйца, и ряби печены и во иные дни колачи и пироги, и блины, и короваи, и всякие овощи. В Новегороде и во Пскове на то устроен кутейник во всякой церкви, зде же убо та вся потребная вносит в жертвенник и во святый олтарь, а правила святых апостол и святых отец о сем запрещают. И впредь како сему достоит быти?

Иже иноки и инокини во едином монастыре живут. Вопрос 37

В нашем царстве на Москве и во всех градех монастыри особые: живет в нем игумен да чернца два или три и где како ся лучило, да тут же в монастыре миряне с женами и с детьми живут. А в котором монастыре живут черницы, ино в том монастыре такоеж живут миряне и холостые и с женами. Пригоже ли то так быти? А в ином монастыре черницы и чернцы живут, а убогие чернцы и черницы по миру скитаются, и тем нигде покою нет ни в котором монастыре не приимут. А попы и дьяконы и дьяки и пономари с женами тут же с черницами в монастыре вместе живут. По правилом святых отец како достоит тому быти? Тако бы на святом соборе и уложити во веки неподвижимо. И о сих дозде царевы вопросы.

И О ТЕХ О ВСЕХ ЦАРСКИХ ВОПРОСЕХ СОБОРНЫЙ ОТВЕТ. ГЛАВА 6

Некогда вниде в слухи боговенчаннаго и христолюбиваго царя государя и великаго князя Ивана Васильевича всеа Русии самодержца, что по многим святым церквам звонят и поют не во время, кроме божественного устава, и многие церковные чины не сполна совершаются по священным правилом и не по уставу. Он же, боголюбивый царь, о том таковая слышав, не просто вмени, но разжегся Духом святым, вскоре повело и списати о тех о многоразличных церковных чинех, которые не по уставу и не сполна по священным правилом совершаются, и вдаст на соборе отцу своему Макарию митрополиту всеа Русии и повеле ему о всех тех церковных чинех, разсудив, указ учинити по божественному уставу и по священным правилом. Он же соборне приим от благочестивого царя со всяцем духовным порадованном любовно прочитают и, о всех о тех многоразличных церковных чинех разсудив и воззря в божественная правило, да о всем том о святом Дусе соборне уложили. Отныне и впредь в царствующем граде Москве и по всем градом и по всей земли росийского царьствия по всем святым церквам звонити и божественныя литоргии служити и прочее церковное пение правити сполна и по чину о всел по преданию святых апостол и святых отец по божественному уставу и по священным правилом ничтоже претворяющее. И того ради церковного чина на болшее утвержение по совету и по повелению и сердечным желанием о святом Дусе возлюбленного сына святыя церкви и нашего смирения благоверного христолюбивого и боговенчаннаго царя государя и великаго князя Ивана Васильевича всеа Руссии самодержца и со иже о святем Дусе с своими детьми со архиепископы и епископы русския митрополия самобывшими ту: с Феодосием архиепископом великого Новаграда и Пскова, с Никандром архиепископом ростовским и ярославским, с Трифоном епископом суздальским и тарусским, с Гурием епископом смоленским и брянским, с Касьяном епископом рязанским и муромским, со Акакием епископом тверским и кашинским, с Феодосием епископом коломенским и коширским, с Савою епископом сарским и подонским, с Киприяном епископом пермским и вологодским, и со архимариты и игумены и со всем священным собором по данной нам от бога власти и царским советом соборне повелехом того ради чину церковного и брожения ради священническаго и всех ради православных хрестьян, наипаче же оберегаючи сана и величества царства и святителъства и смиренных своих душ пастырских, да ничтоже во святых церквах, кроме священных и божественных правил сотворяется, ниже презрено будет нашим нерадением. И того ради церковнаго чина в царствующем граде Москве и по всем градом росийскаго царствия русския митрополия повелехом избирати протопопом в коемждо граде по царскому повелению и по благословению святительскому священников искусных добрых и житием непорочных. В царствующем же граде Москве достоит быти седми старостам поповским и седми сбором по уложению царскому, да к ним избирати десятцких добрых же священников искусных житием непорочных же. Таже и по всем градом уставити старосты священники и десятцкие, где сколько пригоже в котором городе. А по селом и по погостом, и по волостем по всей земли уставити у попов десятцкие священники. И те священником старостам и священником десятцким в царствующем граде Москве и по всем градом российского царствия в митрополии и во архиепископьях и в епископьях, кийждо в своих пределех, дозирати по вся дни по всем святым божиим церквам священников и дьяконов, чтобы у них было по всем святым церквам божественное правило церковное и звон по уставу и по преданию великаго нашего православия о всем по священным правилом и по церковному уставу сполна чинно и немятежно, и чтобы священницы и дьяконы во святых божиих церквах всегда с великим тщанием предстояние имели ко господу богу и к пречистой Богородицы и к небесным силам и ко всем святым прилежно и со благоговением и с великим воздержанием по вся дни заутрени воскресныя и праздничныя и дневныя пели бы по уставу, и божественныя книги почитали – евангелие толковое, и златоуст, и житыя святых, и пролог и прочил святыя душеполезныя книги на поучение и на просвещение и на истинное покаяние и на добрыя дела всем православным хрестьяном в душевную пользу. И отпев заутреню со всяким благочинием и со страхом божиим, да по заутрени пели бы молебны о многолетном здравии и спасении благородного и христолюбивого и боговенчаннаго царя государя и великого Ивана Васильевича веса Русии самодержца и его благоверной и христолюбивой царице и великой княгине Анастасии, чтобы им Господь бог умножил лет живота их и даровал бы им сыны и наследники царствия их, и возвысил бы господь бог царскую десницу его надо всеми его недруги и враги, и устроил бы царство его мирно и вечно в род и род и на веки. Такоже молити бога и о брате его благоверном князе Георгии и о княгини его и о всех благоверных князех и болярех, и о пособлении и о укреплении христолюбивого царя воинства, и о благопребывании и устроении земском, и о тишине и о здравии и о спасении всего православного крестьянства. Такоже бы по вся дни пели часы и обедни служили, како где вместно и мочно, и звонили бы в подобно время по церковному уставу.

УКАЗ О ЗВОНУ И О ЦЕРКОВНОМ ПЕНИИ ПО УСТАВУ И ПО СВЯЩЕННОМ ПРАВИЛОМ НИЧТОЖЕ ПРЕТВОРЯЮЩЕ. ГЛАВА 7

Подобает ведати и о святей божий службе, яко в суботу убо в начале четвертаго часа должно есть звонити и начинати, яко да станет трапеза в начале пятаго часа. В неделю же в начале третъяго часа должно есть звонити и начинати, яко да станет трапеза в начале четвертаго часа. Такоже подобает бывати в господския великия праздники, рекше богородичны, и христовы, и предтечевы, и обоих верховных апостол Петра и Павла. Сих убо всех купно, яко и во дни недельные, должно есть служба творити в начале третъяго часа. В средния же праздники в начале пятого часа, яко да станет трапеза в начале шестого часа. Малые же праздники, равно прочим вседневным в начале пятаго часа, и отдается во свое время, трапезе же подобает стояти во свое время на кийждо день, или постен день есть или и прост, отходити яве яко койждо по скончания святыя службы. И во время трапезы паки сбиратися, сему должно есть бывати, егда хотят ясти в девятый час или вечер сице же убо подобает творити и в малыя четыредесятница о святей службе и о пищи, кроме яве убо великия четыредесятница. Великая убо четыредесятница ин устав имать, якоже всюду законно творится. Cиe же разсужение святые службы учими есмы ово oт устава студийского ово же святыя горы, якоже тамо о посте святых апостол завещает, якоже научихомся и имамы, лучшее же виде и сматряет. И егда же лучится благочестивому царю изыти с своим христолюбивым воинством на земские дела за святыя церкви и за православную хрестьянскую веру против своих недругов, и тогда царю закон о божественном и о церковном правиле не полагается, по рекшему могий вместити да вместит. И по божественному апостолу по нужи и закону преложение бывает. И о том подобает архиереем и иереем и всем священным собором за благочестивого царя и за все его христолюбивое воинство великого бога молити, да не вменит ему господь таковая во грех, дондеже на царский свой престол здрав возвратится. И егда же пребывает Царь в царствующем своем граде Москве, и тогда повелевает звонити и пети по уставу и по преданию святых апостол и святых отец развес великих земских неотложных дел, да и о том от бога прощение приемлет. Да в царствующем же граде Москве царских ради служебников и торговых ради людей и больных ради православных хрестьян, как час ударит дни, звонити и пети обедни на другом часу у Спаса на царском дворце, да у Спаса смоленского, да у Николы чюдотворца у каменнаго мосту. А по иным церквам звонити и обедни служити по уставу и по преданию святых апостол и святых отец ничтоже претворяюще. Такоже и по иным по всем градом таковыя ради нужда звонят и поют обедни о всем потому, якоже и преди рехом.

О БОЖЕСТВЕННЫХ СЛУЖБАХ ОТВЕТ СОБОРНЫЕ. ГЛАВА 8

А обедни бы служили священницы и дьяконы по уставу и по преданию, иже во святых отец наших Василия великого и Иоанна Златоустаго и Григория папы римского, ничтоже претворяюще во всем священническом сану. Такоже и диякони во всем сану дьяконском со страхом и с трепетом ничтоже земнаго помышляюще. А перед обеднею бы в соборных церквах и по всем церквам говорили часы, в кое время священник проскуромисание творит. А проскурницам быти чистым вдовам единобрачным, а не второбрачным, а поставляются от четырехдесяти лет и от пятидесяти лет. Сущая же вдовица по апостолу штидесяти лет. А черницам у мирских церквей в проскурницах не быти, а жити черницам в девичих монастырех. А над просвирами и над кутьями и над свечами проскурницам не говорили ничего, развее молитвы Исусовы говорити, занеже проскурницы не имут власти ничтотже действовати, ниже в олтарь входити ни в жертвенник, но токмо власть имеют по благословению святительскому или иерейскому дорником на просвирах святый крест воображати с молитвою Исусовою. Иная же ничтоже действуют. Но вся действуют священницы и дьякони: проскомидию творят и святый агнец закалывают, и просвиры выимают все за здравие и за упокой действуют и поминают по уставу святых отец царей и святетелей и всех православных християн о здравии и за упокой. И впредь проскурницам не подобает над просвирами ничтоже приговаривати, но токмо просвиры откладывати и свечи в сосуд или блюдо чисто коемуждо с верою приходящему с благословением и с молитвою Исусовою, сиречь: «Господи Исусе Христе Сыне божий, помилуй нас». И потом да отсылает их ко священником во святую церковь. И тамо от них священницы в жертвенник приемлют и действуют и поминают по уставу святых отец и по священным правилом ничтоже претворяюще о живых за здравие, а о умерших за упокой. А дьяком и пономарем по всем церквам быти единобрачным, второбрачным дьяком и пономарем не быти по священным правилом.

УКАЗ БОЖЕСТВЕННЫ Я СЛУЖБЫ. КАКО ДОСТОИТ СВЯЩЕННИКУ ИЛИ С ДИЯКОНОМ САУЖИТИ ИЛИ ЕДИНОМУ. ГЛАВА 9

Сице начало. Станут убо вкупе пред дверьми церковными западными в паперти и вход творят сотворь три поклоны. Дьякон: «Благослови, владыко». Иерей глаголет: «Благословен бог наш». Таже «Царю небесный» и «Трисвятое» по «Отче наш» иерей возглас: «Я ко твое есть царство». Посем: «Господи, помилуй». 12. «Слава и ныне», «Приидете поклонимся» трижды. Таже глаголют тропари сия; «Радуйся двери божия; радуйся, пречистая дево святая, радуйся, владычице и заступнице миру, радуйся, стено и прибежище и покрове граду нашему. Под твою милость прибегаем. Богородице дево, молитв наших не презри в скорбех, но от бед избави нас, едина чистая и благословенная! Господи, отъими от мене беззакония моя и прегрешения моя, да достойно вниду в достояние святаго храма твоего, непроходимая двери тайно знаменана! Благословенная Богородице, дево, приими молитвы наша и донеси я Сыну своему и богу нашему, да спасет тебе ради душа наша. «И посем глаголи тропарь настоящаго дни святаго или святителя или велика мученика, или преподобного отца или апостола и евангелиста. «Святый христов, имярек, пострадавый за Христа, имея дерзновение к нему молися о мне, грешном и недостойном рабе своем, священноиноке или священноиереи имярек». И целуют у дверей на столпцех по странам Спасов образ и пречистой или кресты. И посем входят в церковь священник с дьяконом и сотворяют вкупе к востоком поклоны три, глаголюще тропарь: «Пречистому образу поклоняемся», «Слава и ныне», «Богородичен», «Бога из тебе воплощшася разумехом». Таже тропарь дню, и храму, и святому, и за упокой, и кондак. Сия глаголюще, знаменуются и целуют святыя образы. Также к правой стороне поклон един и к левой такоже. И отходят малыми дверми к жертвеннику, глаголюще в себе тай молитву: «Господи, низпосли руку твою с высоты жилища твоего» и прочая по уставу, якоже в служебникех пишет. И благословит часы говорити, в кою пору проскуромисает. Да во многих церквах дровяных в жертвенникех несть кладязя, над чем священнику руки умывати, и горну не держат же с угольем, в чем укропец грели. Како надобе теплота во святый потир, и пономарь шед в избу да возмет у печи горячие воды из горшка в кувшинец или в кувшинцы, согрев, да принесет в церковь, и ту воду вливает во святый потир. А по уставу и по чину отпев заутреню, и пономарь с укропником благословится у священника итти по водицу. И, шед на реку да на чистом месте благословяся, почерпнет укропником воды, да пополоскав выльет и опять почерпет, да покроет да принесет во святую церковь и поставит в жертвеннике до времени. И после благовестия к часам, аще дровяная церковь, и принесет в горнцы горящаго уголья, а на дне пепелу подсыпает и поставит в жертвеннике на кирпиче, и заклав агнец и влив воду студеную священник или диякон с служебным вином во святый потир, и поставит укропничек на горну и устроит до времени, якоже достойно. А в тот укропник ничего иного не вливают, кроме той воды, которою служат. А кладезь туто же в жертвеннике в трех дощечках к стене приделывают служащему священнику и дьякону руки умывати. Егда же священник агнец святый закалает, и потом из малые просвиры из другой пречистые часть выимает и кладет одесную страну агнца, таже из третие просвиры из малые выимает предтечеву часть такову же, якоже пречистые, и полагает на левой стране агнца. Таже и прочие просвиры выимает о всяком епископстве православных и за царя и за князя, и за вся хрестьяне, и заупокой. И то приношение кладет на среде под агнцем ниже тех частей, инии же священницы выимают предтечеву часть, якоже из обычные просвиры, малу и кладут вместе с приношением на среду, а не опришно. Ино то не по чину, якоже устав повелевает в служебнике. Ответ. Покрывают святая двема покровцы святый агнец, и. святый потир. Нецыи же, невегласи неразумеюще писания божия и учения, не требующе третьим святым покровом не покрывают, еже есть воздух. И о том подобает вельми воспретити на безчинныя, чтобы впредь третьим святым покровом покрывали. Глаголюще сице. Дьякон рече: «Господу помолимся!» Иерей: «Господи, помилуй». Покрый владыко обоя святыя сия. Священник покадит третий покровец, еже есть воздух, и покрывает глаголя: «Покрый нас кровом крылу твоею». А на престоле такоже бы покров был всегда, и открывали бы во время святыя службы. А у царских дверей запона бы всегда была. Известно вам буди cиe. Да поищите в достоверных переводех, яко да глаголется сице во октении первой: «Миром господу помолимся» и прочая по ряду. А о сем тако достоит глаголати; о архиепископе нашем, имярек, честного его прозвитерства и еже о Христе дьяконства и всего причта. Зде же глаголют не по существу и не по служебнику и о честном его прозвитерстве, то не гораздо. Такоже и «Верую во единаго бога суще», – глаголется, – «и в Духа святаго истиннаго и животворящаго», – ино то гораздо. Нецый же глаголют «и в Духа святаго Господа истиннаго», – ино то не гораздо. Едино глаголати или Господа, или истиннаго. Ино сице «День весь совершен, свят, мирен, безгрешен, испросивше себе, или сами себе, то едина сила и друг другу и весь живот наш Христу богу предадим». Здесе же не по переводу сущему глаголет: «День весь совершен, свят, мирен, безгрешен, испросивше у Христа сами себе и друг другу». Ино по существу глаголати: «Единение веры и причастие святаго Духа испросивше себе и друг другу и весь живот наш Христу богу предадим». Зде же не тако глаголют: «Единение веры и причастие святаго Духа испросивше у Христа сами себе и друг другу». На утрени глаголет по сущему переводу: «Благо есть исповедатися Господеви и пети имени твоему вышний возвещати заутра милость твою и истину твою на всяку нощъ». По самочинению же глаголют, а не по существу: «Возвещати заутра милость твою и истину твою на всяк день». А инии глаголют: «На всяко время по своему произволению». А истинный глагол по Давидову пророчеству: «Возвещати заутра милость твою и истину твою на всяку нощь». Зри во псалтыри в сущий перевод и о всех о сих разсуди утвердити во святей соборной апостольстей церкви исправити всему миру на утвержение, а не на соблазн людем. Иное сице: «Впервых помяни, Господи, архиепископа нашего имярек, его же даждь или даруй, едина сила, святым твоим церквам». Нецыи же не суще глаголют от своего произволения: «Впервых помяни. Господи, архиепископа нашего имярек, его же даровал ecи или дал». То не гораздо.

ЦАРСКИХ ДВЕРЕХ. ОТВЕТ. ГЛАВА 10

А в царския бы двери входили священницы и дьякони по уставу и по преданию святых отец во всем сану во время божественныя службы. А которого дни обедни не служат, и они бы в царские двери просто не входили без патрахели и без риз. И царских бы дверей не отверзали никогда же, разве начала и выходу и отпуску, кроме святительского чину, занеже тогда ин устав, егда святитель служит.

ОТВЕТ СОБОРНОЙ О ЗАПОНЕ СВЯТАГО ОЛТАРЯ, КОГДА ОТВЕРЗАЕТСЯ И КОГДА ЗАТВОРЯЕТСЯ ПО УСТАВУ ЧЕСТНЫХ МОНАСТЫРЕЙ СВЯТЫЯ ГОРЫ И ЦАРСТВУЮЩАГО ГРАДА.

ГЛАВА 11

Егда хощет быти святая литоргия по совершении проскомидия по отпусте часовнем, отверзаются и по отпусте часов святыя двери затворяются. Запона же отверзена бывает даже до переноса святых даров, абие затворяются святые дверца вкупе и запона и не отверзаются до совершения святаго причащения, егда же случится един иерей, егда же с дияконом – отверзается запона по исполняя молитвы, еже по изрядной. Егда же возгласит иерей святая святых, абие затворяется запона, даже до совершения святаго причащения, якоже выше рехом. И по причащении отверзается. По отпусте же литоргии совершение затворяется. На вечерни же начиная отверзается запона и стоит отверзена даже до отпуста. На утрени такоже. А по отпусте первого часа затворяется. И егда молебны поются, такожде от начала и до отпуста отверзена бывает. Егда же часове поются без литоргии, отверзается запона к чтению апостола и стоит отверзена до отпуста, а по отпусте затворяется. Известно же буди cиe, ибо святая двери никогдаже не отверзаются точию на выход и на исход и на целование евангелия, от сих на святых тайн и на да исполнятся уста. Аще кто хощет последовати святых отец писанию и повелению, ведущаго да вопрошает, бояся молчания и самочинных учений, понеже самочинно ходя-ще во многи беды впадут. Якоже глаголет святым Дорофей: самочинник не может спастися. Мнози бо мнящеся право существовати и безпутием заблудиша, увы мне, якоже аз.

ОТВЕТ О СВЯЩЕННОМ ОЛТАРЕ, НИЧТОЖЕ ОТ БРАШЕН В ЖЕРТВЕННИК ДА НЕ ВНОСЯТ. ГЛАВА 12

А в олтарь и в жертвенник по священным правилом пива и меду и квасу и браги и кутьи и хлеба и колачей и всякого брашна ни людских сокровищ не вносити, разве свещи и фимияна и служебного вина и просвиры и укропа и книг. Такоже бы на божественный престол и на жертвенник ничего не возлагали, разве святого евангелия и живот во рящаго креста и священных сосуд и сударей и покровцов и воздухов и покровов и прочих освященных. Да в олтарь же бы простым людем и второбрачным входу не давали. А дьяки бы и пономари и проскурницы единобрачны были и житием непорочны, без всякого зазору, со благословением святительским или иерейским.

ОТВЕТ ОТ СВЯЩЕННЫХ ПРАВИЛ О ЖЕРТВЕННИКЕ И О КУТЕЙНИКЕ. ГЛАВА 13

В божественной службе толковой пишет. Олтарь есть престол божий и образ вифлиомскаго вертепа идеже родися Христос, паки олтарь образ есть вертепа, идеже погребен бысть Христос. Якоже и евангелист рече: и вертеп изсечен в камени ту положиша Исуса. В том бо пожреся Христос и приносе Отцу богу приношение тела своего. Агнец жрется принося в тайную жертву, иже агнец преобрази во Египте Моисеом при вечере, бо кровию агнчею губителя ангела отврати не умерети людем. Сице же при вечере заклася истинный агнец, вземляй грехи мира. Олтаря же малая оба полы разлучения ради праведных и грешных. Жертвенник есть за Голгофу гору на ней же источи кровь свою Христос за спасение всего мира, и в него вносится токмо священныя просвиры и вино и фимиян и божественныя книги и прочая священная, а от простого ничтоже не вносится. Другой пол олтаря кутейник зовется, и в него вносится о здравии коливо и канон и прочая и на самое воскресение Христово пасхи сыр яйца и иные яди, еже хрестьяном повелено ясти. Такоже и по отшедших душах в нем малые понахиды поют, и проносят кутью и канон и прочее брашно, еже церковником на потребу. А вселенские шесть понахид поют соборне среди церкви. Да и прочие соборные понахиды посреди церкви поют.

О СВЯЩЕННИЧЕСКОМ САНУ ПО СВЯЩЕННЫМ ПРАВИЛОМ. ОТВЕТ СОБОРНОЙ. ГЛАВА 14

Тако же бы детей крестили и свадьбы венчали и воду святили в навечерии Богоявления и на иердани на Богоявление и на происхождение честного креста во всем священническом сану сполна. И вечерни бы и понахиды и навечерницы и полуношницы и заутрени и молебны пели по всем святым церквам в патрахелях да в ризах по обычают кроме монастырского чину, зане же в монастырех свой чин. А без риз бы да без патрахели ни начинали ни пели по священным правилом, якоже глаголет 16 правило святых отец и 17 правило Иванна милостивого в поучение попом.

ПРАВИЛО 16. ИЕРЕОМ, ИЖЕ НЕ ОБЛАЧАЮТСЯ ВО СВЯЩЕННЫЯ РИЗЫ ЛИ НЕРАЗУМИЕМ. ЛИ ГОРДОСТИЮ, ЛИ ЛЕНОСТИЮ. ГЛАВА 15

Стихарь есть правда, а фелонь есть истина. И прииде правда с небеси и облечеся во истину. Слово божие облечеся в плоть и неразлучно пребывает. Ты же, брате, изволив сан иерейский, не разлучай стихаря с фелонем, аки Христа во двою естеству. Слыши, господа рекша учеником, шедше научите вся языки крестяще я во имя Отца и Сына и святого Духа, учаще я блюсти вся елика заповедах вам. И паки рече: «Тако есть нам лепо исполнити всяку правду, виждъ, како ти рече, блюсти все и исполнити». Павел рече: «Облецетеся во всеоружие божие, яко воин божий». И Давыд рече: «Иереи твои облекутся в правду». И во отец твоих место быша сынове твои и поставиши я князя по всей земли, во авраамовы чади место постави апостолы, во апостол место святыя отцы, архиепископы, иереи.

ПРАВИЛО 17. СВЯТАГО ИВАННА МИЛОСТИВАГО В ПОУЧЕНИЕ ПОПОМ. ГЛАВА 16

Некоторый иерей от церкви Иванна милостиваго нача служити вечерню без стихаря. И видев Иван Милостивый и повеле изгнати его и иному иерею повеле совершити вечернюю службу. И неколико днии пробы не служа. И призва его архиепископ и рече ему: «Чадо, ведением ли сице сотвори или не ведая ли леностию или величаяся». И рече поп: «Владыко, неведением се сотворих». И рече ему Иванн: «Аще бы ведая се сотворил ecи или величаяся или леностию, то отнюдь бы тя извергл из поповства, но да простит бог тебя, и служи, яко иерей Христов вскладывай фелонь на вечернях и на заутренях и кресты носи, како соблазнился ecи отлагаеши начало иерейству, поставлен ecи первое дьяконом во стихарь и потом фелонь возложен. Како главы не храниши, а поконец ног ся держиши. Начало иерейству отвергл дьяконство и всего причта священническаго еже о Христе, и раздираеши ризу от ризы, яко не первии ли злодеи ризу раздраша жидовстии воини, разделиша стихарь господень. Слыши господа глаголюща: «Аз есмъ начало и конец». И паки рече, пытайте писания, яко в тех имате обрести жизнь вечную. И тый суть о мне послу шест вующе». И рече поп: «Владыко, видех большия попы тако творяща». И рече Иванн: «И яз видех, яко вы творите богатыя и величавыя попы, большими иже у бога хуждъшии суть. А хуждьшия в веце сем и работая господеви со страхом в будущем веце вышше будут. И слыши господа глаголюша: «Не приидох, да ми послужат, но да послужу. И кто в вас хотяй быти болии в царствии небесном будет всем мнии и всем слуга». И то рече отпусти с миром. А о прочем церковном пении – все по уставу творити. Славословие петы и катавасии на сходех пети же, а на заутренях бы и на вечернях говорили псалмы и псалтырю тихо и неспешно со всяким вниманием. Такоже бы тропари и седальны сказывали по чину и неспешно, и потом чли бы. А вдруг бы псалмов и псалтыри не говорили. Такоже бы и канонов вдруг не канархали и не говорили по два вместе, занеже то в нашем православии велико безчинство и грех тако творити, святыми отцы отречено бысть. Аще кто с земным царем беседует, то со страхом и трепетом предстоит и всем сердцем и умом внемлет от царя глаглемая и не смеет зрети семо и овамо. Още ли оставая царя учнет клевретом своим беседовати, каково негодование от царя на себя привлечет И не токмо негодование, но и от лица царева изгнан будет таковый. Коль же паче всем православным во святых церквах на божественном на всяком пении, паче же на литоргиях святых, со страхом и трепетом предстояти ничтоже земнаго помышляюще, якоже писание глаголет, всяк правоверный со вниманием сердечным и со страхом божиим моляйся таковый с богом беседует. Аще кто во святых церквах оставя молитву учнет с други своими о тленных и мимотекущих беседовати, то от бога како услышан будет таковый. Мощно ли человеку зрети единым оком на небо, а другим на землю? Аще раби пред господином два или три или мнози разны вопросы творят вдруг, то како может господин послушати, аще не по единому их ответ сотворит. Такоже во святых церквах и в домех всем православным единеми усты и едином сердцем бога славити во услышание и в разум себе. Уши бы слышали, и сердце разумело. От разумнаго бо и благочиннаго божественнаго пения приходит всякому человеку умиление в душу и страх божий в сердце и умиленное покаяние и слезы, и всем умом к богу вопиюще. И слышав Господь общее и согласное вкупе моление, дарует благодать и милость рабом своим. Того ради подобает пети и чести и тропари говорити и седальцы сказывати и степенна пети и сказывати по чину и каноны канархати и говорили не вдруг. Но первие во охтайки и потом в минеи или первие в минеи и потом в триоди. Таже и прочая, якоже устав повелевает. Такоже и по вся воскресения и по всем владычним праздником чести и пети и каноны конархати и говорити не вдруг, но по чину и по преданию святых отец чинно и безмятежно безо всякого зазору церковнаго.

О ДЕТИНОМ КРЕЩЕНИИ. ГЛАВА 17

А детей бы крестили в церквах по уставу и по преданию святых апостол и святых отец. А не обливали водою, но погружали в три погружения. А крещали бы детей по священным правилом достоверно, якоже есть писано. О крещении младенец. Крещается от священника, глаголюще сице: «Крещается раб божий имярек. Во имя Отца». И погружает его едино» щи, глаголя «аминь». Таже «И Сына. Аминь», и погружает паки. «И святаго Духа», и паки погружает третием. И глаголет: