Парыж, Эйфелева вежа і…

Раман вядомага беларускага пісьменніка Віктара Праўдзіна з прываблівай назвай
“Парыж, Эйфелева вежа і…” – пра наш супярэчлівы час. Лёс звычайнага чалавека, які
жыве ў ХХІ стагоддзі, займаецца бізнесам, пададзены аўтарам у захапляльнай форме. А
пачынаецца твор банальнай гісторыяй. Галоўны герой Алесь Гурскі вяртаецца з
камандзіроўкі, жонка Люся ў гэты час яго не чакае…
Напоўніцу разгортваецца жыццё і селяніна, і бізнесмена, і прадпраймальнікаў: ад
галоўных рэдактароў газет і старшыні СПК, ад пастуха, пастушкі і трактарыстаў да
чыноўнікаў з дэпутацкім мандатам. Развагі пра чалавечыя адносіны, дзе ёсць каханне і
здрада, пра апантаную працу сапраўдных хлебаробаў, пра тых, хто без “украсці і выпіць”
жыць не можа, а таксама пра дагэтуль не знішчаных “браткоў”.
Кропка аповеду ставіцца… у Парыжы!
Адрасавана нашаму сучасніку з пажаданнем добрага настрою.