Акафист Святому Страстотерпцу Царю-мученику Николаю II. Радуйся, Николае, Боговенчанный Царю и великий страстотерпче!

Стихъ: Вознесохъ избраннаго отъ людей Моихъ.

Яко агнецъ незлобивый, * веденъ бысть царь мученикъ Николай на убiенiе, * съ царицею, и чады, и в?рными слуги, * и им?я душу чисту, * вв?ряя себе и присныхъ Богу, никогда же пороптавъ, * прiятъ же кротко смерть за Христа. * И нын? предстоя со ангелы и великимъ сонмомъ новомученикъ на небес?хъ, * молитъ о спасенiи страны Россiйскiя отъ лютыхъ безбожникъ, * да обратятся къ Богу вси отступившiя отъ Него, * да утвердится страхъ Божiй въ сердцахъ, * и да возсiяетъ паки в?ра Христова.

Стихъ: Елеемъ святымъ Моимъ помазахъ его.

Сiя испов?даху святiи царственнiи мученицы * предъ неповинною смертiю за Христа, * повторяюще святоотеческое зав?щанiе: * мученицы древнiи, иже в?роваху въ Господа Іисуса Христа, * на смерть идяху яко на праздникъ, * открыливше умъ и сердце в?рою, * осуждени же на смерть духъ миренъ им?яху, * иже ихъ не оставляше никогдаже, * мирно бо на смерть идяху, * внити во иную жизнь духовную уповающе, * яже отверзается за гробомъ. * Д?ломъ сiя словеса испытавше, * нын? святiи царственнiи мученицы радуются со Христомъ на небес?хъ, * со дерзновенiемъ молящеся о душахъ нашихъ.

Слава, гласъ 6: Кто изречетъ труды твоя и страданiя?

* Страстотерпче великiй и мучениче царю Николае, * тяжкое бремя власти воспрiялъ еси, * не славы ради, * но яко христiанскiй царь и слуга Христовъ, * пекiйся о польз? народа, * множество скорбей претерп?въ. * Вся сiя попусти Господь за гр?хи народа, * и да явитъ благочестiе твое, * показуя мiру терп?нiе твое, * яко многострадальнаго Іова, * да получиши славный мученическiй в?нецъ на небес?хъ, * Авелеву в?нцу подобный, * ид?же нын? ликуя со ангелы, * предстательствуеши за ны предъ Богомъ, * моляся о спасенiи душъ нашихъ.

И нын?, богородиченъ: Творецъ и избавитель мой, Пречистая, * Христосъ Господь изъ твоихъ ложеснъ прошедъ, * въ мя оболкiйся, * первыя клятвы Адама свободи. * Т?мже Ти, Всечистая, * яко Божiи Матери же и Д?в? воистинну, * вопiемъ немолчно: * радуйся ангельски, радуйся Владычице, * предстательство и покрове, * и спасенiе душъ нашихъ.

Аще бд?нiе совершается: тропарь дважды, Богородице Д?во единожды.

Аще полiелей: Тропарь, гласъ 5:

Царства земнаго лишенiе, * узы и страданiя многоразличныя, * кротко претерп?лъ еси, * свид?тельствовавъ о Христ? даже до смерти отъ богоборцевъ, * страстотерпче великiй Богов?нчанный царю Николае, * сего ради мученическимъ в?нцемъ на небес?хъ * в?нча тя съ царицею, и чады, и слуги твоими Христосъ Богъ, * Егоже моли * помиловати страну Россiйскую, * и спасти души наша.

Слава, и нын?: богородиченъ: Радуйся двере Господня непроходимая, * радуйся ст?но, и покрове притекающихъ къ Теб?, * радуйся необуреваемое пристанище, и неискусобрачная, * рождшая плотiю Творца Твоего и Бога, * молящи не оскуд?вай о восп?вающихъ, * и кланяющихся Рождеству Твоему.

НА УТРЕНИ:

На Богъ Господь, тропарь святыхъ, дважды: Слава: тропарь св. преподобномучениц? княгин? Елисавет?, гласъ 4-й:

Кротость и смиренiе и любовь * вселивши въ душу свою, * усердно послужила еси страждущимъ, * страстотерпице святая княгине Елисавето, * таже съ в?рою претерп?ла еси страданiя и смерть за Христа, * съ мученицею Варварою. * Съ нею же моли о вс?хъ съ любовiю почитающихъ васъ.

И нын?: богородиченъ, гласъ 4-й: Еже отъ в?ка утаенное, * и ангеломъ несв?домое таинство: * тобою, Богородице, сущымъ на земли явися, * Богъ въ неслитномъ соединенiи воплощаемь, * и крестъ волею насъ ради воспрiимъ, * имже воскресивъ первозданнаго, * спасе отъ смерти души наша.

По 1-й ка?изм? с?даленъ, гласъ 7:

Трижды отвергся Петръ, * но принесе слезы покаянiя, * и абiе помилованъ бысть * и возведенъ въ чинъ первоверховнаго апостола. * Царь же и великiй страстотерпецъ Николай аще и отречеся отъ престола, * видя окрестъ себе изм?ну и боязнь и обманъ, * и разум?я, яко вси ближнiи военачальницы и народъ отрекошася отъ него, * онъ же не отречеся отъ Христа, * ни отъ любве къ народу своему, * и не восхот? б?жати отъ богоборцевъ, * но кротко вся претерп?въ, * прiятъ неповинно мученическую смерть за Христа, * якоже сродницы его благов?рнiи князи Борисъ и Гл?бъ. * Сего ради молимъ тя, страстотерпче царю, * молися Христу Богу, * прегр?шенiй оставленiе даровати * празднующимъ любовiю святую память твою.