Забаре дийцарш миниатюраш. Дийцарийн гулар

Забаре дийцарш миниатюраш. Дийцарийн гулар
Вахит Хаджимурадов

300 забаре доца дийцарш а, масех катрен а йу дешархочунна автора шен гуларехь йовзийтуш. Нохчийн къам даима хилла шайн бегашца а, самукъане хиларца а къаьсташ, эрна ца аьлла Александр Дюмас нохчех – «Кавказан французаш».

Забаре дийцарш миниатюраш

Дийцарийн гулар

Вахит Хаджимурадов

© Вахит Хаджимурадов, 2023

ISBN 978-5-0059-7272-9

Создано в интеллектуальной издательской системе Ridero

ЦХЬАЖИММА КАТРЕНАШ

Атта ду нохчийн къам дерриг а деза,

Байташ а кегаеш, хьерчадеш дош.

Амма ма г1орталахь цхьаъ нохчо везан,

Байташ а тоьура яц, тоьура дац дош.

*****

Даш хилла язъелла мархаш,

Сенбелла бистина бутт!

Йиш яц-кха дог дилла малхах,

Хиларах цу стиглахь и г1урт!

*****

Сийлахьчу доьналлин мох,

Д1абала ма хьерча сох!

Къарбина бойна сан букъ,

Ца лайна харцонийн дукъ!

*****

Берзлошна хьалха яьлларг

Гилла-борз хуьлу.

Уьстг1ашна хьалха яьлларг-м

Газа хуьлу.

*****

Сийначу б1аьргаша сенйина шело,

Хьаьрча сох 1ехавеш лепарах шен.

Дависа, ма яй хьо сан б1аьргийн серло,

Ма ч1ог1а ви-кха со сийналло лен.

*****

Дависа, и б1аьргаш ма хаза хьоьжу,

Малх санна лепаш ю цу йоь1ан юьхь

Кхечунга д1ахоьжу, кхинарг а лоьху,

Б1аьрзечу цу б1аьргийн кхоьлина юьхь

*****

Сийначу цу стигла, к1айн марха хилла,

Йаха хьо ластош схьа соьга а т1ам.

Амма сан дац т1емаш, ахьа бехк ма билла,

Сан дахар лаьттахь ду, сан жима 1ам.

*****

Ма хьежа малхе, б1аьрнур талхош,

Ма къийса хазалла цуьнца ахь!

Ткъа х1инца лела бала балхош,

Аптекехь эца куьзганаш!

*****

Ма тийса м1араш цициго санна,